كبرت ياواد
وكبرت ياواد وبقيت
طولي
خلتني ادور علي
طولي
ماانت اللي بقيت
عرضي وطولي
وبقيت عكازي اللي
ساندني
علي قلبك خدني
وقربني
ولو ابعد لحظة ابقه
عاتبني
بكرة حتتجوز وتسبني
ده نصيبي وربي
كتبهولي
وكبرت ياواد بقه ليك
اصحاب
ويدوب اشوفك داخل
من الباب
وافرح بوجودك بعد
غياب
والومك وارجع في
كلامي
وكبرت ياواد وبقيت
شكلي
وبتسمعلي لما انا اشكي
وبعطف تطبطب علي
كتفي
وكأني انا قاعد قدامي
وكبرت ياواااااد
وهاتها جمايل ياااااب
شاعر الحارة المصرية
صلاح سليمان
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة