الكون سكوووون
والكواكب ضي
عاكس ع الجفون
والجفون دارت
عيوني
والعيون قلقانه
من سوء الظنون
والظنون
طبع الخلايق
اللي
راجع واللي فارق
واللي حجزوه في
المفارق
واللي اتلون الف
لون
داهية
تاخد الانحطاط
واللي وَيَا الهوجة
ظاط
وانا ملازمني الثبات
ضميري مستحيل
يهون
هفضل
عمود السواري قايد
علي بيت خاتون
بيت خاتون
في حارة يمي
بيفكرني
بضحكة أمي
وانا راجع في الليالي
وتقوللي ربك يصون
والكون سكون
والكواكب ضي
عاكس علي الجفون
وهاتها جمايل ياااااااارب
شاعر الحارة المصرية
صلاح سليمان
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة