كل شيئ بقى بكام
ماتت الموده والمرؤه
مات فينا الإنسان
افتقدنا الحنان والحب كمان
الحب كان زمان النهارده هيدفع كام
واللى بيحبوا مجانين أو مجرمين
او ناس مغيبين
تتجوز أو تتجوزى إبن مين
مين بيشترى مين
متعرفش أن الانسانيه ماتت من سنين
واللى بينا أمضى وبصمه
نبدأ حياتنا من بعض متخوفين
يمكن يخون ملهش امان
نأدبه ونسجنه لو قال تلت التلاته كام
ويكون بينا المحاكم ويموت الكلام
اختك واخوك اللى بتترجاهم ويترجوك
لا عاد بتشفهم ولا بيشفوك
صحبك وجارك لإعاد بيصبحك ولا بيمسيك
اللى منك بدور عليه مش فاضيلك
اذا احتاجك هيجيلك
قول على الدنيا السلام
وأعمال لآخر الختام
اعمل الخير هتلاقيه
وازرع ف ابنك الشهامه والكرامه
واللى يضيع عند العبد عند ربك هتلاقيه
____________________
أشرف سلامه حموده
2022/1/5
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة