هيلة هيلة
*********
هيلة هيلة
يلا نرجع لمة وعيلة
الأب والأم كبروا
بقوا علينا عبء وشيلة
دا الدنيا لعبت بينا
بس لسة بالأيد حيلة
مع الله تبقا دنيتنا جميلة
يعوض الله على زمان
راح فين البر والأحسان
شوف جرى أيه لينا
معدش بوجودنا أمان
ولا بين ضلوعنا حنان
البشر بقلب نقى مولود
كبر بقا كله سواد وذنوب
النفس بتهيأ له الخلود
مبفكرش يرجع لله يتوب
ملو الصدر هم وجحود
نسى ان له ميعاد يموت
بوقت مش هينفع ندم
يعرف انه لنفسه ظلم
مكانش لله ساجد
هجر القرآن والمساجد
ولا حثى بيصوم
مفيش بماله حق معلوم
للسائل والمحروم
قادر للبيت الله مش بيزور
خلاص غره بالله الغرور
فاكر الدنيا له هتدوم
دوام الحال م المحال
لابيدوم جاه ولا مال
أصحى بقا وفوق
ولا بتدوم أى مخلوق
كل من عليها فان
كل من عليها بزوال
بعدها يسأل الله سؤال
لمن الملك اليوم
يرد قائلا على ذاته
لله الواحد القهار
دا الدنيا أبتلاء وأختبار
لكل بنى الإنسان
حصاده جنة أو نار
هل لله من رجوع
أم هتمشى عمرك ف الممنوع
يااخويا بقولك كفاية
خليلك مع الله بداية
تشفعلك ف النهاية
شيل من على عينك الغيامة
سيب سكة الندامة
تطلع م الدنيا بسلامة
عيش الدنيا بقناعة
خلى الخير بقلبك زراعة
ربك مش ظلام للعبيد
بأيدك أنت عن رحمته بعيد
لو تكون من الله قريب
تبقا بدنيتك وآخرتك سعيد
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة