كن حذرا ممن تصنع معه ذكرياتك فهى تبقى طوال العمر
جمال الذكريات انك تفضل فاكرها ومحتفظ بيها طول عمرك مش بتتنسى وخاصة الجميلة منها حتى لو مر بيك العمر بتفضل هى أبتسامتك وقت الحزن هى خط دفاعك الأول والأخير وقت الوجع وقت الخبطات اللى بتعدى علينا وأوقات بتكون هى العلاج أنك ترجع لحياتك من تانى وتبدأ من أول وجديد.
علشان كده أختاروا شريك الحياة اللى يسيبلك ذكريات وأيام حلو متتمسحش بخناق ولا فراق ولا وجع ولا حتى موت
أختاروا الصحاب السند الضهر الصحبة اللى عيونها تنور وقت ما تشوفكم وتشوف نجاحكم اللى تدعيلكم بالغيب
حتى لو كان فى ناس صعب تختارها زى الأهل أو العيلة أكيد فى منهم اللى فعلا سند وضهر اللى ليك معاه ذكريات جميلة وحلوة أختار كمان من جواهم الحلو أختار تعيش معاهم فرة أختار تدور على الحلو اللى جواهم وأختار أنك تكون الحلو معاهم
أعملوا ذكريات حلوة مع أولادكم أستمتعوا بضحكتهم متخلوش خوفكم عليهم يدمر أجمل الذكريات
أفرحوا وعيشوا وحبوا وأبنوا خطوط دفاعكم من قسوة الظروف والحياة بذكريات جميلة
وأوعى تنسى تحمد ربنا دايما على نعمة وجود الناس الجميلة
صباحكم فرحة وسعى وجبر من جبار السموات والارض
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة