القمر في سمانا زاد نوره ...
لما هليتي انتي يا(تالية....)
ونجومها بترقص لسروره ...
فرحانة وسمت على الغالية
من فرحتي بيكي متلخبط
تايه ولا عارف حتى اكتب
حاسس م التوهة اني باشخبط
خايف ل عليا الناس تعتب
وادعي من قلبي تكوني تالية
لكتاب الله وٱياته
وتبقى ليكي مكانة عالية
وتنولي رضاه وخيراته
محلاها ياحفيدتي ملامحك
كل اللى يشوفك بيحبك
ياخدك بالحضن ويفرح لك
والبسمة بتكون من قلبك
يبارك لنا فيكي ياحفيدتي
ونشوفك أجمل قمراية
والمستقبل ليكي حبيبتي
مستني وزارع شجراية
******
بقلم جدك الشاعر/ رمضان عبدالله أحمد
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة