كاتم بين ضلوعى أسرار
لو تظهر تولع الحبايب نار
حاضنها أنا جوايا
مخلية ليلى نهار
الشهد طعمه مرار
الجد زى الهزار
البسمة ع الشفايف تنهار
النار جوايا مالهاش دخان
السواد بعينى لون الأزهار
بقول بوقت يحلو الحال
الزهر بوقت يرمى ثمار
أشوف فيه جمال الألوان
بس مش لاقى للبشاير شرار
هو السعد العمر ليا خان
الهم بيطعن قلبى بخناجر وسهام
العمر كله حط بيا وشال
ف الله بس كل الآمال
عايش مع فى جهاد
بقول تبات نار تصبح رماد
يوم عن يوم الهم زاد
الهم تقاوى جوا قلبى
لو صح ينبت ف التراب
لو الهم لبن
أهو فى قلبى راب
لو الهم ذنب
كان بوقت تاب
قدرى عايش معاه بعذاب
شبت معشتش عمر الشباب
مينفعش لهمى مواساة
مع الله بس المناجاة
مع الله النجاة
*********
بقلم
عادل جاد
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة