عادل جاد يكتب : الجنة ... زى .. النار

طباعة ونشر وتوزيع ، ظهور إعلامي ، ورش أدبية

***************

أوعى تحكم على إنسان 

بس من حلو اللسان 

أو على منظره وشكله كمان

كم من

جميل الكلام 

وليك غدر وخان 

كم من شد الأنظار 

عامل فيها سهتان

بالأصل هو غدار ومكار

لايعرفك ولاتعرفه 

 وگأنه بينه وبينك تار

كلمة جامعة وشاملة

الدين اصله معاملة 

وأحنا له بالكلام تجار 

بقول أيامنا فل 

الغلا داس ع الكل 

حياتنا بقيت ذل 

عشان ضميرنا حقد وغل 

معدش بقلوبنا قناعة 

ولا عاد لله حتى طاعة 

كأن عندنا من عذابه مناعة 

بجد أنا من حالنا مكسوف

اللى واضح أودامنا مكشوف 

معدش لله أستحى أو خوف

بنعمل أى حاجة عشان الفلوس

الكل ف الدنيا اصله مغشوش 

لغرورها بيحضن ويبوس 

وهية بأى وقت عليه بدوس 

ده واقع أودام عيننا محسوس 

والكل بغدر الدنيا محبوس 

تعبت والله م الكلام 

الكل عاطى للدنيا الأمان 

بينه وبينها معاهدة سلام 

ناسى أن كل من عليها فان 

الحلال عنده زى الحرام 

الجنة زى النار

*************

بقلم

عادل جاد