اهل الشعر قالوا
الشعر كلام مخنوق في الحلوق
منظوم ع الورق بقافيه وميزان
كلام في المضمون يزيل الهموم
يطرح قضايا يحل مشاكل
الشعر مش كلام طاير في الهوا
عن قيس وليلى واللا عنتر وعبله
واللا عن نور يقيد في يوم جديد
يزيد البهجه ويخلي القلب سعيد
كفايه غرام وهيام
ياللا بنا نمسح دمعة غلبان
بكلمه تساعده يعيش في امان
وندور ع المهموم ونزيح الغيوم
ونحل مشاكل موجوده كل يوم
اصل الدنيا فيها كتير شجن وهموم
وفيها ظالم ومظلوم وبُعد وخصام
والبعيد اللي زعلان ومالوش حبيب
الشعر مش كلام على قافيه وميزان
وف بيت القصيده مرصوص
ياللا نبعد الاحزان ونقرب افراحنا
ونعيش الحياه ببهجه وابتسام
ونغير المعنىٰ ونكتب العنوان
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة