حسام بخيت يهتف : الحق له ناسُه

فضِل الولد يكتب ف كراسُه

تاريخنا بالهجري جنب الميلادي 

كانت السنة دي 

حرّها ف يوليو 

معرفش ا،يه جايلو

يرسم ف قوس النصر 

و العصر زي الأمس 

تسقيفة بغدادي

تقعد عليها الشمس 

من أولى إعدادي

و الصحبة قبل الدار 

متونسة بالجار 

و الحب وهم و فار 

من طلتُه قصادي 

يا حبيبتي ليه تُهتي

ف عيون محبينِك 

وليه زمان القهر

مكتوب على جبينِك

تاكلي ف ورق الشجر 

يطلع ف ميتينِك 

ده الصبر له ناسُه 

موّال يعيد موّال 

ده الصبر ف أساسُه 

غُرزة ورا غُرزة 

و خيط ف أيد نوَّال

بِعتي غيطان  القطن 

و الشونة و الغَلَّة 

عشان سجين القصر 

يلعب و يتسلَّى 

و يهِزلِي ف راسُه 

مين ده اللي كان ساسُه 

شهبندر التُجَّار

ده الحق لُه ناسُه 

و العَدل لُه ناسُه 

و الحُكم لُه ناسُه 

والخيبة للشُطَّآر .

حسام بخيت