لحد امتى تكون موجود بينا
لحد امتى تعطل مصالحنا
هات توقيع وختم البيه فلان
فوت بكره اصله في اجازه
لحد امتى نعطل حال الناس
ونكسر في الاحلام ونهد البنيان
قلنا العهد البائد خلص وراح
وراح نعيش في سعاده وبراح
اتاري الكل نايم في الاحلام هايم
والرشوه موجوده والبيه يقولك بالجوده
والفساد في كل مكان وشوارع غرقانه
والشقه قديمه والعربيه هلكانه
والبيه نايم ويجي يقول إه يانه
والمدينه من بره خضره الله الله
ومن جوه رتش ونقر ويعلم الله
وقطط وكلاب بترعىٰ في الزباله
والناس تايهه والولاد خايفه
والبيه تحت التكييف مع الشاي والقهوه
وعربية الحكومه شايله للهانم الخضار
وسمك مشوي وعيش زايد في الميزان
والغلبان بياكل رمل وزلط
في سندوتش طعميه وبتنجان
قلنا الدنيا اتغيرت اتاريها رجعت ورا
بناس زي الحربايه غيرت جلدها
بتوب جديد هُما هُما بتوع زمان
إمتى تروح الضلمه ونشوف النور
زي اجدادنا اللي عاشوا زماااان
في هنا وعز من غير حرمااان
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة