غمض عينيك يا جدع
وإمشي على مهلك
ع الدنيا سوق الدلع
وهي تندهلك
دق بيبان الهنا
ماتخافش م الأيام
طول ما انت قافل عينيك
السعد يفتح لك
غمض عينيك وإفرد
للدنيا جناحاتك
طير في الفضا وإنسى
حزنك وآهاتك
طول ما انت مِدِّي الطناش
للدنيا واحوالها
الفرح يجري عليك
تِسعَد بأوقاتك
غمض عينيك وإنسى
همك وآلامك
إنسى العذاب و الأسى
خليك في أحلامك
الفِكْر لو كان لُه باب
سِدُه بحجر وارتاح
وافتح بيبان الهنا
للفرح لو جالك
غمض عينيك سيبك
م الهم وسنينه
إنسى ليالي الضنا
والحزن وأنينه
لو فات عليك العذاب
إضحك له وإتبسم
راح يمشي وحيختشي
غصبِنْ على عينُه
راح يمشي وحيختشي
غصبِن على عينُه
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة