يا عيد ما جِبت جديد
غير آهة و التنهيد
من يوم ما راحوا بعيد
و القلب ويَّاهم
هفرَح و هحزن ليه
و هحس بس بإيه
مشوار واهو بأمشيه
على سكّته هايم
يا عيد بدون مواعيد
ولا وقت ولا تحديد
إمتى لقيتني سعيد
إلّا وانا معاهم
عُمري عليك محسوب
كام عيد تبات مغلوب
قلبي اللي ماله عيوب
لِسَّه ماهوش فاهم
يا عيد ماليك مطرح
غير ذكرى بتجرَّح
واهي دنيا بتطوَّح
و عيد يلاحق عيد .
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة