مستحيل إنى أبعد
ولاأفكر إن حلمى مات
بشويه سكوت ولادمعات
مستحيل النبض يترك
القلب ببعد ولاهجر
وأقول سنين ضاعت
من سكات
إنت فاكر قلبى لعبه
ولاقلبى غرفه فاضيه
ولا حجره للإيجار
عشش عليها العنكبوت
عدى عليها الزمن وفات
ولاحلمى على رفوف الذكريات
أصبح تراب
كلمه منك محت سنين
حبى ليك محت فقلبى
اجمل حجات
حلمت بيها
كنت ليها
اغلى مافى الحياة
ليه كسرته ليه
كنت كل حاجه ليه
كنت آمل فجر ات
كنت كل الحياة
ليه غدرت بيا ليه
ليه بعت حبى ليه
كنت ليك ضله
كنت ليك شجره
تطرح ثمار خير وفرح
كنت خيال يمشى وراك
يحمى ضهرك
من غرز الشوك
فيه كنت ضيك
اللى سارح ورا منك
كنت نجمك فى ليل طويل
عملت وياك المستحيل
وانت ناكر حبى كله
ناكر غرامى وشوقى ليك
ناكر قلب كان فجر
نهارك يحلى يومك
وامسك وبكره
يصبح عليك
انت خسرت
وانا كسبت
كسبت نفسى
كسبت انى اتعلمت
درس يبقى عبره
ويبقى ذكرى وموعظه
للى أت
علمنى غدرك
شويه حجات
انى قلبى اغلى
مافى الحياة
انى ملكه ذى أبويا
ماقلى وانى نجمه
تبرق للى يستاهلنى
فهمت من غدرك
معنى الحب
الحب غالى
فيه كل المعانى الحلوه
الحب غنوه جوه
قلب صادق
انت مستحيل
كنت تعرف معنى
الحب ايه
وداع لحروف صماء
حروف تنقش الغدر مسافات
وداع لقلب خان موت الذكريات
بقلمى/سميه نورالدين محمد عبد الرازق
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة