=============
ال ايه عشقها وحبها
دائما يروح ويقولها
ويقول لناسه أنه حزين
عايز يكون جنبها
الحب عمره ماكان جبان
بيعيش ميعرفش الامان
الحب ده اجمل طريق
مفروش بورد فيه حنان
ماتقولش كنت بحبها
كنت ارحم دموعها وضعفها
هي الحياه عليك تهون
ليه هانت عليك ودبحتها
وايه يفيد مهما تقول
في القبر نهايه الحياه
بعد الامل في حجات كتير
الحلم دبحته واتبدل بأه
فاتت ....ام واب حزين
والحزن ماتعرف فين مداه
ولسه بتقول بحبها
كنت فوتها لحياتها واهلها
الحب عمره ماكان انتقام
ليه انت خنت ودبحتها
والدبح ليه وسط الطريق
وكانك بتقول انا الجريء
وبعد ماسال الدم منها
تبكي تقول انا البرئ
كنت رحمت ضعفها
او كنت في حالها سبتها
الحب عمره ماكان جبان
ليه تبكي ابوها وامها
بكره تشوف طعم الحساب
وتقري سطور العذاب
ويبكي اهلك علي الشباب
وتطيب قلوب جرحتها
وتحس بالراحه في قبرها
وتجف دمعة أهلها
اخر كلامي اسال سؤال
ليه بس انت قتلتها
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة