:ما بين كانت
وبين كنا
تضيع أيامنا وشبابنا
وننسى الضحك اللي ف ايدينا
تضيع منا كل أحلامنا
يا عمري الغالي قضيتك
أسى وجراح
نسيت انا إمتى حبيتك
وتاهت مننا الأفراح
يا دوب بنعد أيامنا
وضاع العمر من بدري
وفرحتنا كانت تجري
وفجأة خاصمنا الأيام
صعبنا ع الهموم يا حرام
ما فاضل شئ يطمننا
آهاتي عنكوا خبيتها
وياما دموعي داريتها
وكل الأسوة م نسيتها
ورغم بقلبي حبيتها
خانتنا دقيقة تاهت منا
بقينا بنحكي ع الذكرى
ومات الوقت وفات بكرة
وهانت السيرة والعشرة
سرقنا العمر وبقى فكرة
خلاص ودعنا جنتنا
يا دنيا إيه جرى فيكي
بنيتي جسور حواليكي
م داري الخوف اللي ف عينيكي
وحافظي ع اللي ف ايديكي
لا ح تضيع الضحكة من بيننا
............ ............................
المهندسين في ٢١ / ٧ / ٢٠٢٢م
م ضاع العمر من بدري
أغنية من كلماتي
هشـــــام عـــلي
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة