عيش الحياه قبل ما تخلص
الحق عيشلك منها يومين
هيص فرفش اضحك ارقص
اوعى الدمع يسيل م العين
عيش ايامك ليل ونهار
ما تفكرشي ف بكره في ايه
على ايه تقلق او تحتار
ربك حي تكالنا عليه
عيش ايامك عيش أحلامك
يمكن حلمك يبقى حقيقة
خلي عينيك دايما قدامك
اوعى تضيع اي دقيقة
دنيتنا ازمات ومشاكل
عايزة الصبر وطولة البال
ليه على راسك همك شايل
ياما ع الراس دق الطبال
ازعل طب واتعصب واغضب
شوف غضبك راح يعمل ايه
راح تغلي واعصابك تتعب
يبقى ده زعلك لزمته ايه
اعبد ربك واحسن عملك
اوعى تخاف من ضرب النار
مش حتموت ابلن ييجي اجلك
لو كان حتى عليك ميت تار
مش حتموت أبلن ييجي أجلك
لو كان حتى عليك ميت تار
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة