الطاهر سالمي يكتب : المصاريف

راهي غزتنا ......الحظارات 

جتنا من كل........ الجيهات 

هذا عصر ..........الماديات

ركبتنا غير.......... الديونات

اليوم  تنوعت ..الماكولات

كل واحد شاهي.. شهوات

روح للسبيرات ...او هات

سجل سجل في الكرنيات 

حليب قهوة ...اوكاطوات 

زيد معاها..... المشروبات 

كاش ماكاين ...ديسيرات

اليوم تفتحت ...الشهيات

زادت حتى........ الطلبات

الشهوة راهي ......مرات 

طارات حتي.... البراكات 

راهي غزتنا ...الحظارات 

وجتنا من ..كل الجيهات 

هذآ عصر......... الماديات 

ركبتنا غير....... الديونات 

بالك تنس ......الكادوات

ريحة ومعاها ..احوجات

راهي اوساعت .لعوينات 

كالمراء.......... كالوليدات 

كملتها ...........الجولات 

فلكسي ولا....... بطاقات 

الو  الو  الو.. يابابا هات

بالك تنس....... ليكولات 

لابسة ومعاها.. الادوات

راهي غزتنا ..الحظارات 

وجتنا من كل. الجيهات 

هذا عصر....... الماديات 

ركبتنا غير ....الديونات

الله يرزقنا.... بالقناعات 

فرج عن كل... العائلات