ربيع الغريب يحذرها : متقربيش .

متقربيش 

وتقولى إنك  معجبه 

قلبى خلاص

مش حمل أبداً كل دا

قفلت بابه

وعمره ما هيلبى الندا

خليكى بعيد

خايف عليكى  يا ندى

ومتقربيش

وتقولى إنك  معجبه

..... متقربيش .....

؛......................

قلبى ماعدش فيه مكان

غير للجراح  ..  وللألام

شوفى حد غيرى وإبعدى

وبلاش تعيشى فى الأوهام

قلبى إنكسر  واللى إنكسر

عمره ما هيرجع زى ما كان

؛............................

مجروح بقالى  كام سنه

وأسيت كتير  م الجرح دا

بلاش  أرجوكى  تقربى

مافيش فايده من كل دا

خليكى هناك .. وإبعدى

خايف عليكى    يا ندى

متقربيش 

وتقولى  إنك  معجبه

.....  متقربيش  .....

؛.......................

سبينى عايش  بالجراح

خلينى أعيش فيها وحيد

ماعدش فى العمر براح

وكل شئ قسمه ونصيب

بكره خلاص  انا مسافر

هبعد وأروح مكان بعيد

وأتمنالك    كل سعاده

مع قلب يشترى ما يبيع

قلب يكون  كله أمل ♥

مايكونش زى قلب ربيع

قلب غير  قلب ربيع 💔

؛..........................

لساكى  برضوا  مصممه

إنك تعيشى فى الوهم دا

كفاياكى عناد .. وإبعدى

قلبى  مش حمل  كل دا

هايجى يوم   وتودعينى

وتعيشى بعدى  معذبه

خايف عليكى  صدقينى

إسمعى كلامى يا ندى

متقربيش

وتقولى إنك  .. معجبه