البشر زى الدود ف المش
له الف وش و وش
حياته غش ف غش
فيه بشر لابيهش ولاينش
راكب الموج
ماشى مع التيار
موش فارقة معاه
ليل زى نهار
خراب زى عمار
مالوش مبدئ ولا اختيار
ماشى بالدنيا زى الحمار
العالم بوجودنا بينداس
العلم بغرفة الانعاش
الجهل عشش جوانا خلاص
المال خد الفكر والأحساس
بقا كبير وسيد كل الناس
ياناس ياهووو
العلم أمتى هتنصروه
الحق أمتى هتسكنوه
العدل أمتى هتركبوه
الظلم أمتى هتسبوه
الجهل أمتى هتكسروه
العالم أمتى هتقدروه
المريض أمتى هتزوره
الابن عاق امه وابوه
الاخ بيشكى ويقتل اخوه
أرجع واقول تانى
البشر عاد طبعه انانى
عشان كدا الكل بيعانى
الكل الدنيا سارقاه
الانسان عن الحق تاه
ربنا عمره ما هينساه
بيرزقه وهو بيعصاه
الشيطان عن الحق عماه
ماشى ورا نفسه وهواه
فاكر ف الدنيا الخلود
وهو بالموت موعود
أخرته للتراب والدود
البشر بالدنيا مفتون
خدعاه بيها العيون
ناسى انه للموت مرهون
انه أخرته بالتراب مدفون
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة