إفرد وشك واضحك قول
نكتة تخلي الهم يزول
مش محتاجة الدنيا هموم
دنيا وعرضها زي الطول
إفرد وشك حبة وفرفش
ليه بتخلي الوش يكرمش ؟
إوعاك تزعل على شيء راح
ميِّت ميِّت مهما تحوِّش
إفرد وشك ما تكشرش
عيشتك حلوة ما تتبطرش
إضحك وإنت تنام مرتاح
لو ع الأرض ومن غير فرش
إفرد وشك وإوعى تكلكع
وإعمل خير إياك تتمنَّع
تلقى الدنيا جميلة وحلوة
ويَّا حبايبك راح تتمتع
إفرد وشك واضحك قول
نكتة تخلي الهم يزول
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة