ارجوكى انتى لحظة سكات
لحظة ثبات
ليه تخنقى البهجة فيا
ليه دايما تستخفى بالغرام
لية تخلى لحظة الهيام
اشجان أحزان
عيشى الفرحة واظهريها
ليه متعوده تداريها
قاصدة دايما تكسريها
وتمسحى كل اﻻمانى
بتضغطى ع الجروح وتفتحيها
وان طلبت منك العلاج
توجعيها
لما القلب ضغطه زاد
وماعاد يفيد علاج
انتى ايه عايزة
تسجنى قلبى بين ايديكى
وتحبسية في كل ماليكى
يا ست خفى حبتين
وخليكى ضياء ونور للعين
هتلاقينى كلى ليكى
وافتكرى فرحة سنين
عشتها ليكى وبيكى
واغزلى توب محبة
يجمعنا احنا اﻻثنين
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة