وتستسلمى
لو ترجعى خطوة .....يتوه منا الطريق
لو تكرهى بكرة ....يضيع كل شئ
لو صوتنا جوانا .......يضيع صداة
والياس جوانا ...........يبلغ مداة
لو ترمى دمعة للطريق ....على حبنا
هترمى دمعة لكل شئ ...كان لنا
لو ترمى دمعة لحلم فينا..... وتسيبينا
هترمى عالم من هوانا .....بحبة لينا
هنلاقى بكرة مش معانا
ويضيع هوانا
ايدك معايا نوصل الشط البعيد
لو تياسى
هتضيعينا
ولما ترجع شمس بكرة هتدور علينا .....مش هتلاقينا
اندهينا...... بكلمة الحب اللى لينا
لمى الدموع ..........من عيونك
سمعى الدنيا كلامنا ...بعلو صوتك
قولى كلمة من حروفنا
ارفعى الشمس لطريقنا
ابعدى الخوف عن قلوبنا
ايدك معايا نوصل الشط البعيد
لو تياسى
هتضيعى ..............الحلم البرئ
لو تياسى فى بكرة... يضيع الطريق
لوترجعى خطوة .....ينهار كل شئ
لو شط ضاع ........الف شط يضيع معاة
لو صوتنا جوانا..... يموت صداة
اية هيفضل لينا تانى ...فى الحياة
اية هيدينا الارادة .......فى الحياة
فى بكرة شئ جديد ......بيتفتح معاة
خطوة لورا وداع
وخوف لبكرة
ضياع
ايدك معايا نوصل الشط البعيد
البحر مية وشط ...........ريح وموج
الورد عطر وحب........... شوق وشوك
والحب ايد ما بين الموج... بتتمد لايدينا
يحدفنا موج الدنيا.......... لكن بيداوينا
بيشد فى ايدينا
بينادى علينا
بيقوى ايدينا
يجرحنا شوك الورد ......لكن بيداوينا
كلمة من الدنيا ...........بوعد ببكرة لينا
ايدك معايا نوصل الشط البعيد
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة