يا سَمراء إهديني عُيونِك
بالهَوى أنا مَجنونِك
عا حُبي صاروا يلومونِك
والقَلب إلِك هَيمان
****
حِنطية بِنت العَشيرة
بالهَوى تِسوى قَبيلة
كُرمالِك سَكَنت الديرة
والرمش عندِك فَتان
****
يا شَقرا أجمَل صَبية
عُيونِك خُضر وعَسَلية
أفديكي بروحي وعينية
ياسمينة بقَلب البُستان
****
بِنت بلادي ما أحلاكي
والقَلب بده هَواكي
من سنين عَم أستناكي
والقَلِب ما هو صُوان
****
عَيوقة وأجمَل أميرة
من اجلِك أفرُش حَصيرة
عُيونِك سودا وشهيرة
والقَلِب كُله حَنان
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة