وقالوا كتير
وعادوا كتير
ودسٌوا السم في عسلهم
وأنا ف حالي وسرى ف بير
وكان مالِي وكان مالهُم
أنا ما لييش في قُلنا وقَال
ولا ليَّا ف مواويلهُم
ولا كُنتش في يوم جوَّال
وما ركِبتِِش في يوم خيلهم
انا عايش مع نفسي
ما بين صبحي وبين أمسي
بوَشوِش في الفضا فكري
ما تعرف صوتي من همسي
فَلِيه يقولوا وليه يعيدوا ؟
ونار الحِقد بيقيدوا
وليه بيحطوا جنب الحرف
الفين حرف ويزيدوا
قولولهم إن مش فارقة
أمور الدنيا وأحوالها
مطلقها ٢٠٠ طلقة
ومش فاتناني بجمالها
قولولهم إني عايش بَس
عشان بتدِّب فيَّا الروح
ولو غابت في يوم الشمس
هعيش ع القمرة أداوي جروح
ولو غابت في يوم الشمس
هعيش ع القمرة أداوي جروح
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة