🌹🌿🌹🌿🌹🌿🌹🌿
الفشل له ميت طريقه
كل شيء كان فيه محال
قربت منا الحقيقه
كنا عايشين في الخيال
والحقيقه المره غايبه
عن عينينا من زمان
والامان سابنا وهاجر
محتارين والصبر طال
💐💐💐💐💐💐💐💐
فيه مشاكل عشنا فيها
كل يوم بتزيد علينا
كل ما نلاقي الحلول
فجاه تهرب من ايدينا
وبعنينا نشوف خطاوي
مستخبيه في ظلام
مش تمام ان نسلم
امرنا للى يعادينا
🌺🌺🌺🌺🌺🌺🌺🌺
شيء غريب ان نصدق
ان خيرنا يجيبوا غيرنا
ولا هنعيش طول حياتنا
وروح ولادنا و عمرنا
يبقو رهن إشاره م اللي
كل امله يذلنا
و مننا فينا الغباوة
ليه نسلم امرنا
🌿🌿🌿🌿🌿🌿🌿🌿
قدروا يبنوا بنا سور
والجسور عليا قوي
كل مانهد الحواجز
والضعيف يبقى قوي
نلقى فتنه جديده ظهرت
تقتل العزم الوليد
مش جديد على امه وهبت عمرها كيف ننطوى
🌻🌻🌻🌻🌻🌻🌻🌻
لو تفكر جد مره
كل يوم لو كام دقيقه
ليه نسيبو لغيرنا فرصه
بنا يشعل كام حريقه
فتنه و إشاعه سلاحه
واحنا في ايدينا سلاح
لو ف يوم قرب ما بيننا
نبعده بأي طريقه
🌷🌷🌷🌷🌷🌷🌷🌷
الايمان بالله سلاح
بيه عدوك ينهزم
موته بسلاحك مباح
وانت تحيا من عدم
ابدأ الصفحه بايم. انك
و بصلاتك و بصيامك
قبل ما تفوق يوم وتندم
مش هينفع ليك ندم
مش هينفع ليك ندم
🌹🌿🌹🌿🌹🌿🌹🌿
🌿🌹 مع تحياتى 🌹🌿🌹
🌿🌹 ابن قريطنه 🌹🌿🌹
🌹 🌿🌹🌿🌹🌿🌹🌿
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة