ليه الواحد لما يموت ؟
يفتكروا لُه الوِحشة وبس
يفتكروا لُه عدسُه وفوله
وينسوا العِز وأكل الوِز
ينسوا الوِد وينسوا الحب
ينسوا العشرة وطيبة القلب
ليه بينسوا لُه لمَّا زمان ؟
كان علشانهم شايل الغُلب
ليه بينسوا لُُه اي حنان ؟
ليه فاكرين لُه القَسا والذنب ؟
إفتكروا لُه الحِلوة يا ناس
ده الموت طايِل كل الناس
ما نحدفش الناس بالطوب
واحنا بيوتنا إزاز في إزاز
أصل الظلم يا خلق حرام
في المسيحية وفي الاسلام
ضرب الحي يا ناس مرفوض
امَّا الميٍِت ضربه حرام
ضرب الحي يا ناس مرفوض
أما المَيِّت ضربه حرام
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة