محاسن مرضي خريص تتمنى الرجوع

..... نفسي ارجع  .....

نفسي ارجع بالزمان ...

واعمل ضفاير من دهب ..

وأملي الحياة بهجة وأمل

وارسم قلوبنا ع الحيطان

أضحك وانا ...

مش شايله هم في دنيتي

وتشوفني كل الناس تحس بأنها

 مبسوطة من صوت ضحكتي

نفسي احضنك .. وامشي معاك

متشبكة ايدينا سوا ....

من غير ما أخاف من سكتي 

تمسك ايديا ...

نرسم القلب اللي عمره ما يتكسر

أو يتقسم أو يتهزم ... 

وتلونه بلون طرحتي ... 

أسند علي كتفك وأنام ..

واحلم بأنك...

من نصيبي وقسمتي ...

ما تصحنيش م الحلم ...

سيبني أكمله .... 

يمكن أقوم منه وانا

معايا شئ من قوتي .....