وحتجيني
وحتحاول تراضيني
واقولك روح انا نسيتك
نسيت الهجر والوحدة
وتعب القلب ومناهدة
صالحت خلاص انا سنيني
وحتجيني
وحتحاول تعيد تاني
وتوصل ودنا تاني
لكن هتلاقي مني الصد
وقسوة وذل مالهوش حد
واقولك روح بقى انساني
وليه تيجي ؟
ما دام عارف هموم قلبي
وانا لا بداري ولا اخبي
غضب قلبي على قلبك
وحسرة قلب يوم حبك
يا فرحة رايحة ما بتيجي
روح انساني
خلاص اعلنت عصياني
ومش هرجع اليك ابدا
ومش راح احن لزمانك
وهمسة حب في كلامك
لغدرك مش هعود تاني
وروح ما تجيش
خلاص قررت إني اعيش
حياتي احلى من دونك
مانش محتاجة لوجودك
ده يوم ما احتجت لحنانك
تقوللي خلاص ماعدش مفيش
ده يوم ما احتجت لحنانك
تقوللي خلاص ماعدش مفيش
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة