كلميني عن اللي جاي
كمليني في اللي جاي
خللي حلمك ويا بكره
بكره جاي باينله ضي
أصل بكره جاي لوحده
مش جايب وياه حكايه
واحنا نبقي بس عنده
وبدايتنا البدايه
امبارح كان وهم زحمه
امبارح صابنا وجارحنا
امبارح لما عطشنا
سقانا من مايه عكره
امبارح أهو راح لحاله.
امبارح سيبيه لحاله
ولا يوم هتكون قباله
مهما حب مهما يكره
امبارح مهواش مسكر.
امبارح صده وجنزر
امبارح من طبعه يقهر
كنا شيء خلانا نكره
احنا هنكون الوجود.
بينا تكمل الحياه
أي شيء من غير
وجود
يبقي فاقد الحياه
انتي كنتي وانا كنت
يااميرتي بيكي عيشت
يااميرتي ليكي عيشت
يااميرتي فيكي عيشت
مهما كنتي مهما
كنت
بكره مش محتاج
حكاية
بكره مش عايزنا نقرأ
بكره لينا انا وانتي
الوجود حاضن الحياه
قلبي عاشك قال عشقت. .
وامبارح ملهوش في بكره
كلميني عن اللي جاي
كمليني في اللي جااااي
خللي حلمك ويا بكره
بكره جاي باينله ضي
بكره جايلنا لوحده
بكره مش محتاج
لذكري
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة