حلم
ذات
للبلياتشو!!
ح بدأ حياتي من جديد
مع حد تاني يحبني
ميكونش قاسي او عنيد
من غير دموع يحسّني.
مفتاح حياتي
معرفتي ذاتي
والذات ضمير ب يشدني
طب ليه أخبي ولا أداري
بحلم اكون إنسان مثالي
والدُنيا ليه تهزني.
الحلم نور من غير ظهور
خيال وفيه كُل العصور
عُمره ما يوم غشني
بحلم وحلمي مليان عطور
والحلم عطرهُ يضُمني!!!!
للحياة وجوه كتير
زي الفصول الأربعة
جايز أكون فيها الأمير
لكن ب فكر الإمعة
جايز أكون أنا الفقير
ساجد لربي في صومعة.
والعمر إيه غير تجربة
فيه الحقايق مرعبة
لما تزول الأحجبة
ح نشوف ذواتنا متعجبة!!
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة