محمد طارق يكتب : انا عمرى اتلخص ...

فى الثانية الى بعيشها سعيد

مش فارق ايه حصل امبارح ..

ولا فارق بكرة .....ده لسة بعيد

انا طير جارح .... وجواد جامح ... 

واسد محبوس ... وشجر طارح ...

جيت للدنيا مكنتش فاهم ..

وبسرعة لقيت بكرة ... امبارح ..

مش هزعل تانى يا دنيا خلاص

ولا ادور تانى على الاخلاص ..

مش ذنبى ان الناس خداعة ...

ولا فرض انى اعيشها جماعة ..

هتعلم اعيش اللحظة لوحدى ...

افرح وارقص واضحك وحدى ...

احكى لنفسى على الى تاعبنى ..

واقول برضه لنفسى متزعلش ..

ولا افكر مين الى كارهنى .. 

ولا ابكى على الماضى ولا اندمش...

انا عقلى وقلبى هيتصالحوا..

وهطير ... وهجيب اخر العالم ....

وأفضل انسان ... لسة بيحلم

ولا عمرى ف يوم اتحول وحش ...

#الكاتب_محمد_طارق_X