====
قالوا تبقى مش موهوب
لوحدفت الناس بالطوب
الصح تواجه الاعداء
بذوق وصدق والاخلاق
وسيف الحر مش كذاب
ولايتدارى خلف الباب
سمعنا كتير عن الانجاز
وبنينا قصر بالحجاز
لقيناه بس فالاحلام
وكل كلامكم اى كلام
وطبل وهيصه مالرمرام
وقرص الكذب استحلاب
والرغيف غموسه عذاب
الليل هربان مع الاغراب
ونهارنا مش باينله حساب
الكذاب بقالوا اصحاب
والصادق مالوش احباب
واياك تقرب من الاعلام
مولاهم وزع الابواب
باب للمسح والتلميع
وباب الرابطه والانجاب
وباب السعد للاحباب
وباب الذل لاى عتاب
ومسرحنا كتير زحمه
مليان وكلها لحمه
فيها الغالى والرخيص
وفيها احلام مع كوابيس
وفيها الرز للمتاعيس
شنطة رمضان مع الصوره
وبنت حلوه اموره
بتوزع على المجاريس
اصلهم غلابه او مواكيس
نصهم كدب اوتدليس
والله عندهم عمارات
فالطابور يقولوا هات
ياعم فتح الكشاف
اللى سمع غير اللى شاف
بالصقعه ماعندى لحاف
ومانى كامل الاوصاف
ولا قاعد تحت الصفصاف
شريف وجدع بدون مجداف
وبلدى اجمل الصوره
حلوه ومش صوره
متوعدنيش اعيش بخيال
والاقى عنكبوت بحبال
انا عادى وماليش اعداء
وكلامى لالحسناء ولا لولاء
البياع بقى غشاش
والكيف بقى خشخاش
والضرب بالرشاش
وكله متلهى بالكوره
ابوصلاح مجدع وفذوره
ابوتريكه احلى كيان
اخلاق قوى وانسان
جاب لنا تلات بطولات
انا مقلتش ولاحاجه
يارب اعجب البهوات
وعمرى ماهقولك هات
انا اغنى كتير عنك
وربى بيعطى مش منك
ميت مليون بيرزقهم
وساعة الموت بيكرمهم
وقال الارض كفاتا
احياءا وامواتا
ابو حمالات بقى كذاب
والطبال اخرتها عذاب
ياحبيبى فيه اخره
والقبر يضمك على سهوه
يارب احفظنا من خلقه
وحبب فينا كل صواب
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة