محناش عجايب في
الحياة احنا بشر
احنااللي جملنا
الحياة باامر القدر
جوانا ساكن الخير
مهماالشيطان اشطر
واللي بطبعه الخير
مينكويش م الشر
ومدمت مختار اتجاه
في الحياة انت حر
حاسب ضلام الطيش
وضحكت دنيتك
وتلاقي نفسك رهن
وهم مفتفتك
وفي وسط ناسك
تشتكي من غربتك
تهرب من المر اللي
نابك علي اﻻمر
ومدمت مختار اتجاه
في الحياة انت حر
أجمل ما في الدنيا
نعيشها لبعضنا
تبقالي وابقالك سند
في ضعفنا
تبقالي وابقالك ونس
في صبرنا
تبقالي وابقالك من
الاحزان مفر
ومدمت مختار اتجاه
في الحياة انت حر
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة