*******************ا
ياجمالك يانبينا
يامحمد ياهدينا
يارسول الله شوقا
من هنا لحد المدينه
ياجمالك يانبينا
*******************ا
ارسلك رب البريه
للبشر اجمل هديه
رحمه للملاكوت وليه
جئت بالسلام دينا
ياجمالك يانبينا
******************ا
كان ميلادك طوق نجاه
من هلاك وشيطان رعاه
وانتشر ظلم الطغاه
لقينا صوتك بينادينا
ياجمالك يانبينا
*******************ا
اشرقت شمس الهدايه
بالحديث قرآن وآيه
واللى مشتاق أخدها غايه
حط إيده بين ادينا
ياجمالك يانبينا
*******************ا
كنا مشتاقين لنورك
ملهوفين امته ظهورك
نفسنا ننزل بحورك
نرتوى بماء السكينه
ياجمالك يانبينا
*******************ا
نفسنا فيك من زمان
نهتدى بنور القرآن
ونذوق طعم الايمان
ونلاقى ف بحرك سفينه
ياجمالك يانبينا
*******************ا
جاى م الخالق بأيه
وبطريق كله هدايه
شوفنا نوره م البدايه
سهل جدا كان علينا
ياجمالك يانبينا
*******************ا
قلبنا كان قول حجر
عمره ما فيوم اعتبر
لحد ما كتب القدر
كان سبب بيك اهتدينا
ياجمالك يانبين
*******************ا
قلبك الابيض عجبنا
جانا ساكن ف قلوبنا
لحد ماصبحت حبيبنا
ورحمتك عمت علينا
ياجمالك يانبينا
ءءءءءءءءءءءءءا
احنا لو كنا ف ازمه
مشغولين ف مهلش لازمه
والمصائب فوقنا نازله
تذكره علشان نسينا
ياجمالك يانبينا
*******************ا
فتره مش هتغيب وتمشى
وبإيمانى يعلى عرشى
مهما طال الليل مانمشى
وتملى دمعتنا عنينا
ياجمالك يانبينا
*******************ا
حظنا انك تجينا
واللى احلى تكون نبينا
واللى اجمل حبيناك
ولطريقك اهتدينا
ياجمالك يانبينا
*******************ا
نفسى اشرب من إديك
وارتوى من نور عنيك
وبصراحه عشمنا فيك
بالشفاعه تبقى لينا
ياجمالك يانبينا
*******************ا
اسأل الله ف علاه
إنه يجمعنا معاه
تحت عرشه وبرضاه
وباديه ياخد ادينا
ياجمالك يانبينا
*******************ا
جئت م اللى خالقنا نورا
اصبح الليل نهارا
ماعدش مسلمين حيارا
والشيطان اصبح حزينا
ياجمالك يانبينا
*******************ا
يافرحنا ويا هنانا
ب ختيار ربنا لينا
إن نبقى المسلمين
والاسلام يبقى دينا
ياجمالك يانبينا
*******************ا
نفسنا نموت مسلمين
ولدين محمد مهتدين
وليوم لقانا مشتاقين
ونرتوى من حوض نبينا
ياجمالك يلنبينا
*******************ا
اطهر القلوب دا قلبك
هديه ليك من عند ربك
اللى غافر كل ذنبك
رحمه للعالمين ولينا
ياجمالك يانبينا
******************ا
ذاد جمال الدنيا بيك
والحصى من حبه فيك
سمعنا تسبيحه ف اديك
من الفرح تبكى عنينا
ياجمالك يانبينا
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة