بتقولى قومى ياامى.. تعالى قومنى
انت اللى هتقومنى وتحمينى
واسند عليك من تعب سنينى
قومتى بيك وسؤالك يكفينى
انا مستقويه بيك انت تربيه ايدى
كان حبل بينك وبينى
كان بيغذيك من دمى
ولما خرجت من بطنى
خدتك فى حضنى واكلت من صدرى
كبرت امام عينى
زى ماربيتك وكبرتك اوعى تنسانى
انت رصيد عمرى اوعى تضيعنى
انا امك ووطنك مهما رحت ولا لفيت
مش هتلاقى حد يحبك زى حبى
انا اللى حملت وربيت
وعينى ديماً عليك
اوعى فى يوم تكسر بخاطرى
متخلنيش اشتاق اليك
زى ماانت فى عنيه خلينى
ديماً فى عنيك
مين هيسأل عنى لو انت مش جيت
اوعى ينسيك حضن حضنى
ولا حنان حنانى
انا اللى حملت وربيت وكبرت
متخليش حد اغلى منى
جنتك تحت قدمى
اياك اموت وانت مزعلنى
متخلنيش اسأل عليك
انا كبرت ياابنى اسأل انت عنى
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة