محمد البلاط يكتب : اتفضل اشرب شاى

اتفضل اشرب شاى واحكيلى عن حالك  

وعشمان ايه فى الجاى وايه على بالك

وشاركنى فى همومى واعرف ايه احوالى

مش باقى فى هدومى غير هيكل وخالى

واجيك وتجينى اواسيك تواسينى

والدمع لوفى عينك تشاركك عينى

جاروا على الأرض والمال ويا العرض

كأنه ورد وفرض والشعب الجانى

صابنى ما اصابك وقفت حالى وحالك

جرالى ماجرالك ومنه بنعانى

افهم حقيقة الأمر دى مش لبن وتمر

دى قصة طول العمر بين بايع وشارى

صراع على سلطة كأنها الفته

جلها كلاب شاردة ولحمها ضانى

وصاحبها مش قادر على صد الغادر

الباغىى الفاجر بيفرق التورتا

ملناش نصيب فيها ولا زرعة نجنيها

وان قولنا نحميها بيوتنا تتصادر

بالنار يا تتهد وغصب بنلنا السد

والتخطيط اللى بجد نهرب ونخليها

صابنى ما اصابك وقفت حالى وحالك

جرالى ماجرالك ومنه بنعانى

شاركنى فى همومى واعرف ايه احوالى

مش باقى فى هدومى غير هيكل وخالى

اتفضل اشرب شاى واحكيلى عن حالك