.jpg)
خدلك م الزمن لقطه
وارجع شويه بالذكره
وافتكر ايام حلوه من فتره
خدلك م الزمن لقطه
وحكاوي ترويها بكره
انظر هنا في الصوره!!
دي مش منظر جوه رسمه
دي الصوره معني بالف كلمه
فيها الحكمه والعبره
زمان وايامه وناسه البركه
ومعاني كتيره تاهت في الزحمه
وطبليه تلم العيله وجيرانها
وفرح في البلد تنوره مليون شمعه....
والحاجه تلم جرانها في الخبزه
وتسمع في الشارع صوت الضحكه...
والصغير يحترم الكبير ويبوس يده...
وفي الحزن تلاقي الكل متجمع
والحداد عشان الجار في كل بيت متشمع...
الكل يساعد الصغير قبل الكبير ماتلاقي حد متمنع...
بنت الجيران بتتجوز
بفرحه الكل يتجهز
والشربات بسرعه يتوزع
ابن الجيران في المدرسه ناجح
يفتخر به الجار قبل الاهل وبتبان الملامح....
ليه ده كله انهارده في زمانه قليل وشاحح...
ليه بنعلق لبعض المشانق. هو خلاص مات الكريم المسامح.
انظر هنا في الصوره والكلام واضح...
صــــــــــــــوره من زمان فات باقيه منه بس بعض الملامح...
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة