قول وفنن واوهم نفسك ان الناس هتصدق كذبك
قول ورص وقص ولزق وانسج قصص الكذب وفرق
مين مهبول من الناس هيصدق انك كنت برىء من فعلك
اللى مكرته بخبث نسجته وكل بريء بالسجن ظلمته
وشعب اصيل دمرته وبعته مكنش بقصدك
قول وخلص كل كلامك والف محامى هيكون خدامك
وعدل الله راح تلقاه مش راح نعمل زى جنابك
واعلم ان الدم بدم ومش هيضيع حق اللى اتسم
ولا محبوس فى السجن اسرته ولا مظلوم ركبته الغم
هدم مساجد الله دى كوم وقفل ببانها الكوم الثانى
وبيع الحلم والاوهام من انسان طماع وانانى
حكمه القص بدون كلام فى ميدان عام ومنه يعانى
قول وفنن واوهم نفسك ان الناس هتصدق كذبك
لسة شهودها مصلوب عودها والف وثيقة معاها فى ايدها
المتصور والمسموع واللى ملم بالموضوع
واللى شاهد ان الجربوع خان وقتل كثير واتهور
قول وفنن واوهم نفسك ان الناس هتصدق كذبك
قول ورص وقص ولزق وانسج قصص الكذب وفرق
مين مهبول من الناس هيصدق انك كنت برىء من فعلك
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة