#كلمات_ايمن_شتا
لما هنسي
هنسي خوفي
هنسي ضعفي قصاد ظروفي
هنسي دمعة رسمتها لحظة وداع
هنسي لحظة خسرتها وقت اندفاع
هنسي اني كنت عايش،
بس هفتكر اللي باع..
لما هنسي
هنسي حزن وليل طويل
هنسي احب واشوف بديل
هنسي امشي في سكتي
بس هفتكر الدليل
لما هنسي
لما هنسي فكروني
بضحكة بتنور عيوني
بشمس طالة وسط غيم
بقلب طيب مش لئيم
بكلمة مرة كتبتها
خانت ظنوني
لما هنسي
وقتها هتصدقوني
....
ايمن شتا
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة