إرقص يا قلبي
إوعاك تخبي
فرحة لقانا ويا الحبيب
ده الفرح مرة
بيمُر مرة
يا مين يا عالِم فين النصيب
إفرح ورُوق
والحب دُوق
ده الحب طعمه يروى العطاشى
إمسِك عصايتك
للدنيا سوق
تخضع تقولَّك أؤمُر يا باشا
ركِّب جناح
طِير في البراح
عيش دنيتك من غير هموم
دوس ع الجراح
وانسى اللي راح
وعيش حياتك اليوم بيوم
الرقص فرحة
فستان وطرحة
إرقص يا قلبي هَز القلوب
لو كلمة جارحة
أو دمعة سارحة
إرقص يا قلبي داري العيوب
إرقص يا قلبي
إرقص يا قلبي
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة