مخنوق من الناس القاسيه
مخنوق من قلوب سوده جارحه
زمن الحب راح
اللى فاضل يادوب
شويت كلام معسول
شايفه يا حاجه فاطنه
دهرى اتكسر
وانا ماشى لوحدى
وانتى على الحماره
على حظى تنعى
عدى الزمن
والناس دمه بارد
شايفه الفقير والغلابه
تندبح
وفى قوت الغلابه تحكم
حكم قاسى عنود
يا حاجه
انتى لى السند
والعمود
خان الاخ اخوه
وباع القريب كل فقير ليه
ولاد العم والخال
كلمه ماسخه تقال
ولاد الاخ من العم فى زمنا
تستعار
وابن الاخت للغريب
خدام
وللقريب عامل وحش
وراسم توب الرجوله
قدم الرجال
زمن الفقير فى
مكروه ولونزلت
عليه رساله النبؤه
والهم جبل على الصدور
مخنوق والجرح
ما ليه علاج
ابن خالك
مايهمه حالك
ابن خالتك اعلم بحالتك
وابن العمه
ما ليه زمه
والقرايب ديابه
بتنهش فى لحمك
لانك فقير
ذنبك انك مسكين
الكل
عايز يقطعك بالسكاكين
عايش وحش
الكل يعملك
حساب
ومنك يتهاب
زمن ياعم
مايعترف غير
بالهيبه
والمال
صح
القول
والكلام
لنا الله ايها الفقراء
والغلابه
فى كلاب سعرانه
وغابه
قانونه المال
والسلطه
والفقر والعوزه
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة