لا يا دموع
لا يا دموع لا
وألف لا يا دموع
مش هطوعك
تنزلي علي الخد
تجري لما كنتي
تحفري علي خدي مجري
ولا مجري السيول
كنتي قافلة عنيا ومغشلقاها
حاجبة عني الرؤيا
كانوا الي بيعرفوني
يهربوا مني ويجروا
ويقولوا احنا فينا
الي مكفينا مش ناقصين
هم ودموع ليه يا عيني
كنتي بتبكي
كنتي واخدة كل الامور
بالنحيب و البكي
طب والي حوليا ذنبهم
ايه اشاركهم همي وحزني
لحد ما في يوم طفشوا
مني وهربوا
واكتشفت يا عيني
أنه جفت فيكي الدموع
خلاص ولا دمعة راضية
تطاوعك وتنزل
من كتر البكي جفت
فيكي يا عيني الدموع
وبعدت وقولت عمري
ما هخليهم يعرفوني
الا وانا بضحك حتي
لو هضحك علي نفسي
بس لازم ولا بد الكل
يشوفني واقفة
والضحكه منورة وجهي
هاحبسك يادموع
مش في عيني لا
جوة قلبي ولا عمرك
ابدا تنزلي من عيني وتجري
كفاية بقي دموع
ايوة كفاية دموع
بكيت كتير لحد ما جفت الدموع
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة