==============
بعيد عنك جرالي ايه
ولا حاسس باي جديد
لسه الشوق للحياه بيزيد
ودنيا يعيشها.... جوايه
يرسم في خيالي حكايه
واروح مشواري وارجع
واقول لكل حاجه نهايه
واشوفك زي ماكنت زمان
لا فرحان بك ولا زعلان
ولا عايش دايب في هواك
ولا صورتك بقت ادمان
بعيد عنك حياه شوفها
عايشها وهي....وظروفها
وبكتب عن بكره وامبارح
وضحكه صافيه ب اقطفها
انا اتحررت من وهمك
ومش محتاج هوا قلبك
ومهما اعيش بقيت ناسي
وعمري يوم ماانا فاكرك
بعيد عنك جرالي ايه
ومين بعد الفراق بناديه
عشان حاسس بأنك تهت
وجرحي طاب انا مداويه
===============
كلمات يحيى العبادي
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة