رجعت ع بيتي بحلم عشته
حلم عاشق بالحب انخطف
لحظة بطهر الصلاة
بقلب نقي ، وبخشوع العبادة
يلي حصل حصل
طلبت منها : قوليها
سكتت
وعيونها المبتسمة بدلع
داعبتني بتمنعها
كررت وكررت دعائي ليها
حتى استجابت دعائي
بهمسة دلع لفظتها
بحبك
ومن فرحتي إيدي حضنت إيدها
و بطقس غرام انحنيت وبستها
تشابكوا الكفين وشدوا
و كأنوا عهد بينهم غير الموت ما يفرقنا
من نشوتها فتح الربيع بخدودها
صارت إيدي فراشة بنعومة تداعب ورودها
وصوتها بنعومة كسل
يترجى ،أنه حدا بيشوفنا
وأنا سكران بعطرها
وكأنه ما حدا بالكون
غير إيدي وخدودها
حتى شعرت برجفتها
متل غزال جفلان
فلتت مني
ولسانها بغنج كل الشرق قلي
ما عاد بقى تشوفني
وهربت بين الغيوم
لتداري خجلها
و رسمتلي بخطواتها قوس قزح
لأعرف كيف ألحقها
وتعلمني أنه الورد بالشفاف قطافها
سليم عيد
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة