كالعاده = الشاعر ياسر الدمينى

ازيك اخبارك ايه 
تمام ماشيه كالعاده
الملح في حياتي كتير 
وبحط السكر بزياده
لا الشاي عمره اتحلي ف بقي
ولا بعرف اشربه ساده
واهي عاااااااااااااده
ايه رايك نتقابل بكره
وحشاني اللمه والعيله
والقعده تحت البرجيله
وهزار وكلام مابيخلصش
وحكاوي مابينا بنحكيها
واهو نضحك لينا شويه
وننسي الحزن لبعضينا
ازاي نتقابل من تاني
وفي بينا ضحكه تاهت
لما يوم شربنا فيه القهوه ساده
ولا عمره تاني هايرجع
‘لا هاعرف اشربها زياده
بس اهي عاده
ماتيجي نتقابل تاني
ونلملم بواقينا
ونتجمع زاي اللي قبلينا
وولادنا يطلعوا زيينا
ويتلموا ويكملوا قصه ينقصها ضحكه
قبلينا تاهت بينا ف وسط الزحمه
بس ندور تاني عليها
ومانستسلمش لعاده
خدت كل افراحنا
وادتنا بدالها القهوه الساده
 عاااااااااااااااااااده