حى على الصلاه فى بيوتكم
بقلمى منصور أبو عبدالله
..............
جايين نحزن على الصلاه دلوك
ولا خايفين من الموت
يعنى كنا صلينا قبل ابرك
دا الندم ما ينفع على اللى يفوت
هجرنا الجوامع لما كرهتنا
وزادت بينا مشاكلنا وكراهيتنا
وزاد الكره ما بينا
وخربت قلوبنا وذمتنا
كام مره نسمع نداها ولا نلبى
المباراه اولى الفيس اولى
اهو خلاص العمر ولى
والعمر ماشى يتسلى
قلبى بيبكى لما الصوت اترفع
وقال صلى فى بيتك
والله قلبى اتوجع
قلى ايه نفعك
شوفت حكايه ليها العجب
لما الصلاه بقت منظره
والله احنا اغراب يا عرب
وعيشتنا كلها مضحكه
اهو رفع الاذان فى الجوامع
بس المرة دى من غير وجودكم
الكل حاسس وسامع
حى على الصلاه فى بيوتكم
بقلمى منصور أبو عبدالله
..........
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة