[ المعاش ][ نبيل الوردانى ]

معاشى باش

وراح مجاش
خلوه فلاش
للقطه واحده
وصاحبك إنت
عامل طناش
أنا فاكره جه
أتاريه ماجاش
ولا منه حلق
ولا منه حاش
لا هو ميت
ولا حتى عاش
يخدها آجل
يخدها كاش
طب بس يجي
ولو ماجاش
الظرف طارئ
ياواد يا طارق
خليك قنوع
إيه يعنى مره
ف يوم تجوع
عملى فيها
كمان يسوع
إفرد معايا
كل القلوع
وافرض معايا
أنا مش ح عاتبك
ولا حتى مره
عليك ح الوم
لو إنت شاطر
طب سيب إيدك
يا جت عليه
يا جت عليك
ماكنتش كلمه
خرجت ف زنقه
تنصبلى شنقه
ماهو جه بلاش
يروح بلاش
كفايه إحنا
بنشوف طشاش
[ نبيل الوردانى ]