تائب أنا........................... بقلم الشاعر / السيد خطاب

 رافع إديّا للإله ... راجيه

مالى أنا .....
غيره وراح أدعيه
هو الوحيد سامع دعايا ليه
يا رب طالب رحمتك
عبدك وسار فى التيه
خايف أنا ... يوم اللقى
وقت الميزان ما اوفيه
استغفر الله العظيم
 تائب أنا .... عائد أنا ليه

يا خالقى طالب رضاك
يا رب امنحنى الرضا
حبك فى قلبى فيه دفا
شاغلنى حب المصطفى
أنا اللى خالى م الجفا
إجعلنى موصوف بالوفا
عمّر فؤادى بالصفا
سامحنى يا من فى
السما كرسيه
استغفر الله العظيم
 تائب أنا .. عائد أنا ليه

عهدى إلِيك .....
إنى أداوم سِكّتك
انى المُتيّم بالحنين
طمعان تدوم لى محبّتك
انى الغريق ... وانت المعين
إنجدنى من حالى إلَك
انى الغريب ....
فى دنيا فيها من العبر
إوهب لى فيها موّدتك
إرحم ما فيىّ مِن ضعف يارب بقوتك
استغفر الله العظيم
تائب أنا .... عائدأنا ليه