الشهيد ابو بدلة ميري
ده شهيد حتما مؤكد
الف رحمه له ضروري
ف التاريخ يفضل مخلد
الف رحمه له ضروري
ف التاريخ يفضل مخلد
ده بدمه يحمي عرضي
وسلك شائك ع الحدود
بس بعته وبعت أرضي
لأجل رز ولاد سعود
وسلك شائك ع الحدود
بس بعته وبعت أرضي
لأجل رز ولاد سعود
والشهيد أبو لبس ملكي
مين يقول إنه شهيد
ده عميل وباسم حركي
حتي موته شيئ مفيد
مين يقول إنه شهيد
ده عميل وباسم حركي
حتي موته شيئ مفيد
واللي مات جوة سجونكم
لأجل قوله للفظ حق
وال مات بأيدين قانونكم
واللي مات م القهر طق
لأجل قوله للفظ حق
وال مات بأيدين قانونكم
واللي مات م القهر طق
واللي مات جوة الطابونة
دمه سايح ع الرغيف
وال مات ويا ابونا
ف الكنيسة عشان نضيف
دمه سايح ع الرغيف
وال مات ويا ابونا
ف الكنيسة عشان نضيف
وال مات ف البحر غارق
لأجل يهرب من وشوشكو
واللي مات ومعاه حقايق
شيئ يهدد به عروشكو
لأجل يهرب من وشوشكو
واللي مات ومعاه حقايق
شيئ يهدد به عروشكو
وال مات لأجل تتاجروا
وتكتبوا بدمه القصايد
بس لو للموت تذاكروا
تلتقوا. للموت فوايد
وتكتبوا بدمه القصايد
بس لو للموت تذاكروا
تلتقوا. للموت فوايد
كله ماشي كله كله
والملوك قبل العبيد
والسؤال هتلاقوا. حله
مين شهيد او موش شهيد
والملوك قبل العبيد
والسؤال هتلاقوا. حله
مين شهيد او موش شهيد
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة